Landloop

Hardloop met hart. Groei deur uitdaging. Bereik jou doelwitte.
Landloop by ons skool bied aan leerders die geleentheid om hul liefde vir hardloop te ontwikkel, hul fisieke fiksheid te verbeter en terselfdertyd waardevolle lewensvaardighede aan te leer. Ons landloopprogram fokus nie net op prestasie nie, maar ook op deelname, deursettingsvermoë, dissipline, spanwerk en persoonlike groei. Elke leerder word aangemoedig om hul beste te lewer en trots te wees op hul eie vordering.

Landloop is ’n sport wat leerders leer om uitdagings aan te pak en nie maklik moed op te gee nie. Die roetes kan uitdagend wees, maar juis daarom ontwikkel leerders deur deelname groter selfvertroue en deursettingsvermoë. Ons glo dat elke leerder ’n plek in landloop het – of hulle nou ’n ervare atleet is of vir die eerste keer aan ’n wedloop deelneem.

Ons landloopspan bestaan uit leerders wat mekaar ondersteun, aanmoedig en saamwerk om hul beste te lewer. Langs die wedrenbaan leer leerders dat sukses nie altyd beteken om eerste te eindig nie – soms beteken dit eenvoudig om nie op te gee nie. Ons landloopatlete neem jaarliks deel aan verskeie liga byeenkomste met maklike, sowel as ingewikkelde roetes. Ons het jaarliks atlete wat in die Bolandspan opgeneem word vir landlope om te kan deelneem aan die Wes-Kaap Kampioenskappe.

Oefentye: Maandae, Woensdae en Vrydae 14:30 – 16:00