Netbal

Ons Rockies-netbal se visie is om elke netbaldogter die geleentheid te bied om haar volle potensiaal te bereik deur blootstelling, kompeterende deelname en ontwikkeling.

Dit is om hierdie rede dat ons dogters gereeld afrigtingsklinieke bywoon en ons tydens die Maart-skoolvakansie deelneem aan Hoërskool Waterkloof se Klofie Netbalfees (o.16 – o.18) asook Hoërskool Paarl Gimnasium se Netbaltoernooi (0.14 & 0.15).  Rockie-netbaldogters neem ook deel aan die Paarl Gimnasium se “Fast 5”-toernooi, wat jaarliks in September plaasvind.  Ons Rockies presteer en ons het tydens die 2019-seisoen 9 Distrikspelers opgelewer wat aan die Interdistrikstoernooi in Wellington deelgeneem het.  Twee van ons speler het ook provinsialekleure ontvang met hul insluiting in hul onderskeie Wes-Kaap spanne (o.16 & o.19) wat deelgenem het aan die “All-Ages”-toernooi in Boksburg.

Hoërskool Swartland skryf jaarliks spanne in om aan die Top Skole Netbal-kompetisie deel te neem waar ons teen groot netbalskole kompeteer.  Ons moedig ook ons dogters aan om skeidregterskursusse by te woon en sodoende ‘n kwalifikasie en gradering vir skeidsregting te ontvang.  Ons afrigters is ervare en woon op ‘n gereelde basis afrigters- en skeidsregterskursusse by om op hoogte te bly met die nuutste ontwikkeling en tegnieke.

Die Rockies vs Blackies (Hugenote Hoërskool) se jaarlikse Interskole bly die hoogtepunt op on Netbal-kalender.

Addisionele informasie:

Netbalkoördineerder:  Me Sanet Joubert

E-pos: sanetjoubert71@gmail.com